ನಾಗರ ಪಂಚಮಿಯ ಶುಭಾಶಯಗಳು

ಗುರುಚರಣಗಳಿಗೆ ಅನಂತ ಪ್ರಣಾಮಗಳು…

“ಪರಮಾತ್ಮನ ಬಿಟ್ಟು ಕಾಮಧೇನು ದನವೊ೦ದೆ ಆರೋಪ ಈ ಕೊಟ್ಟುತೆಗೆದುಕೊಳ್ಳುವ ವ್ಯವಹಾರದಲ್ಲಿ? ”
ನಿನ್ನೆಯಿಂದ ಮನಸ್ಸಿನಲ್ಲಿ ವೇದನೆಯಾಗುತ್ತಿತ್ತು. ಏನೂ ಮಾಡಲು ನನ್ನ ಕೈಯಲ್ಲಿ ಸಾಧ್ಯವಾಗುತ್ತಿಲ್ಲ. ಕೊನೆಗೆ ಮನಸ್ಸು ಹಗುರವಾಗಲು ಇಲ್ಲಿ ಹೇಳಲು ನಿರ್ಧರಿಸಿದೆ.

ಆಪ್ತರೊಬ್ಬರು ತಾನು ಹಸುಗಳನ್ನು ಆಗಲೀ, ಹೋರಿ ಕರುಗಳನ್ನು ಆಗಲೀ ಕಟುಕರ ಕೈಗೆ ಕೊಡುವುದಿಲ್ಲ ಎಂದು ನಿರ್ಧರಿಸಿ ಅವುಗಳ ಉಳಿವಿಗಾಗಿ ಹೋರಾಡುತ್ತಿದ್ದಾರೆ. ಈಗ ಅವರ ಬಳಿ ೬ ಹೋರಿ ಕರುಗಳಿವೆಯಂತೆ. ನೋಡಿಕೊಳ್ಳಲು ತುಂಬಾ ಕಷ್ಟವಾಗುತ್ತಿದೆಯಂತೆ. ಹತ್ತಿರದ ೨ ಗೋಶಾಲೆಗಳಲ್ಲಿ ವಿಚಾರಿಸಿದರೆ ಅವರೂ ಸ್ವೀಕರಿಸಲು ಸಿದ್ದರಿಲ್ಲವಂತೆ. ಇನ್ನು ಅವರೂ ಕೂಡ ಮನಸ್ಸು ಬದಲಿಸಿ ಕಟುಕರ ಕೈಗೆ ಕೊಡಬೆಕಾಗಬಹುದೇನೋ ಎಂಬ ಆತಂಕ ಮನದಲ್ಲಿ…

ಹಸುಗಳನ್ನು ಸಾಕಲು ಸಾಮರ್ಥ್ಯವಿರುವ ಇನ್ನೊಂದು ಆಪ್ತ ಕುಟುಂಬದಲ್ಲಿ ಈ ನನ್ನ ವೇದನೆಯನ್ನು ಹೇಳಿಕೊಂಡೆ. “ಏನು ಮಾಡುವುದು? ಊರಲ್ಲೆಲ್ಲ ಹಸುಗಳನ್ನು ಕದ್ದು ಒಯ್ಯುತ್ತಿದ್ದಾರೆ… ಹೇಗೆ ರಕ್ಷಣೆ ಮಾಡುವುದು?” ಎಂಬುದಾಗಿ ಹಾರಿಕೆಯ ಉತ್ತರ ನೀಡಿದರು. ಅದೇ ಊರಿನಲ್ಲಿ ಹಲವು ಮನೆಗಳಿಂದ ಚಿನ್ನಾಭರಣಗಳನ್ನು ಕದ್ದು ಒಯ್ಯುತ್ತಿದ್ದಾರೆ. ಹಾಗೆಂದು ಅವರಿಗೆ ಚಿನ್ನಾಭರಣ ನೀಡಿದರೆ ನಮಗೆ ರಕ್ಷಣೆ ಮಾಡಲು ಸಾಧ್ಯವಿಲ್ಲ… ನಮಗೆ ಬೇಡ ಎಂಬುದಾಗಿ ಹೇಳುವುದಿಲ್ಲ. ಹಾಗಾದರೆ ರಕ್ಷಣೆ ಮಾಡುವ ಮನಸ್ಸಿಲ್ಲವೆ ಅವರಿಗೆ?

ಹೋಗಲಿ ಗೋಶಾಲೆಗಳಲ್ಲಿ ಯಾಕೆ ಬೇಡ ಎನ್ನುತ್ತಿದ್ದಾರೆ? ಇಷ್ಟೊಂದು ಜನ ಗೋಪ್ರೇಮಿಗಳು,ಗುರುಭಕ್ತರು,ಸಂಪತ್ತನ್ನು ಹೊಂದಿರುವವರು ಇದ್ದು ಕೂಡ ಗೋಶಾಲೆಗಳಲ್ಲಿ ಹಸುಗಳನ್ನು ರಕ್ಷಿಸಲು ಬೇಕಾದಷ್ಟು ಆದಾಯ ಇಲ್ಲವೇ? ಎಲ್ಲಿಯೋ ಒಂದು ಕಡೆ ಸಮಾಜದ ಕೊಂಡಿಯು ದುರ್ಬಲವಾಗಿದೆಯೇ??? ಕಣ್ಣೀರು ಬಂತು… ಮತ್ತಿನ್ನೇನೂ ಮಾಡಲು ಸಾಧ್ಯವಾಗಲಿಲ್ಲ… ಭಾವಗಳನ್ನು ಇಲ್ಲಿ ಹಂಚಿಕೊಂಡೆ.