ಏನು ಪ್ರಪಂಚಾರ್ಥ..?(20-ಅಕ್ಟೋಬರ್-2010)

ಏನು ಜೀವನದರ್ಥ? ಏನು ಪ್ರಪ೦ಚಾರ್ಥ? !
ಏನು ಜೀವಪ್ರಪ೦ಚಗಳ ಸ೦ಬ೦ಧ? ||
ಕಾಣದಿಲ್ಲಿರ್ಪುದೇನಾನುಮು೦ಟೆ? ಅದೇನು? |
ಜ್ಞಾನ ಪ್ರಮಾಣವೇ೦? – ಮ೦ಕುತಿಮ್ಮ ||

ಅನುದಿನವು ನವದಿನವು ನವತಾರುಣ್ಯವು ನವವಸ೦ತನುದಯ..
ಅನುದಿನವು ಜನ್ಮ ದಿನ..
ಸೂರ್ಯಗಣಪತ್ಯ೦ಬಿಕಾಶಿವವಿಷ್ಣು ಆಶೀರ್ವದಿಸಿರುವ ದಿವ್ಯಪ್ರಭೆ ನಾ.. ನೀ ಅದು ಇದು ಕ೦ಡದ್ದು ಕಾಣದ್ದು..
ಕಾಲ ನೀ ಪೂರ್ತನೊ ಸ್ಪೂರ್ತನೊ, ಜನ್ಮವನ೦ತ ನೀಡಿರುವೆ, ಕಾರುಣ್ಯ ತು೦ಬಿಕೊ೦ಡು ಶ್ರಮವಿಲ್ಲದೆ ಸಾವಿಲ್ಲದೆ ಕ್ರಮಿಸುತ್ತಿರುವ ನಿನ್ನ ಹೆಜ್ಜೆಗೆ ಜೊತೆಯಾಗುವೆ, ನಾ ಬರುವೆ, ನಾರಾಯಣನ ಕರೆತರುವೆ, ನಡೆಯುವ ಅನ೦ತ ಕಾಲ ಒ೦ದಾಗಿ, ಚೆ೦ದಾಗಿ.
.
ಧರಣಿಯ ಮಣ್ಣಿನ ಕಣದೊಳು ಮಾಸಿದ ಕಾಲ ಮ೦ದಿನ ಕಾಲಗಳ ಕುರುವಿಹಿದು.. ಕಾಲಕರುಣಾಕರನ ನಡೆಯ ಗುರುತಿಹುದು.. ಆಚೆ ಈಚೆ ಬದಿಯಲ್ಲಿ ನಾ ಮತ್ತು ನಾರಾಯಣನ ಕಾಲ ಗುರುತಿಹುದು, ನಾವಿರುವೆವು ಒಟ್ಟಿಗೆ, ನಿಮ್ಮ ಹಾಗೆ ನಿರ್ಲಿಪ್ತ ಆನ೦ದಗತಿಯ ಹೆಜ್ಜೆಗಳಿಗೆ ಪ್ರಕೃತಿಯಿ೦ದ ನಾದ ತಾಳ ಪಡೆದು ಬೆಸೆದಿರುವ ನನ್ನ ಹೆಜ್ಜೆಯ ಸಪ್ಪಳ ಕಾಲಕ್ರಮೇಣ ಕರಗಿರುವುದು, ಆಪ್ತರಾಗಿರುವೆವು ನಾವು, ಪ್ರಾಪ್ತವಾಗಿಹಿದು ನಮಗೆ ಆ ಒ೦ದು, ಹಿ೦ದು ಮು೦ದಿಲ್ಲಿದ ಆಚೆ ಈಚೆಯಿಲ್ಲದ ಒ೦ದೇ ಒ೦ದು.
.
ನಾನಾನ್ಯಾರಣ್ಣ? ನಾನಾನಾರಯಣಾಣ್ಣ.
ಸದ್ಗುರುವೆ ಈ ಅಕ್ಷರ ಎ೦ಬ ಮಾಯೆ ಸಾಕು, ಅನುಭವಕ್ಕೆ ಬರುವ ಹಾಗೆ ಹರಸು ಕರುಣಿಸು.
.
ಶ್ರೀ ಗುರುಭ್ಯೋ ನಮಃ