ಬಯಸುವೆವು ಶಿವನನ್ನು, ಧರಿಸಿರುವೆವು ರುದ್ರಾಕ್ಷಿಯನ್ನು, ನಮ್ಮ ಅಕ್ಷಿಯಿ೦ದ ಬೇರ್ಪಟ್ಟ ಬಿ೦ದುಗಳು ಶಿವನೇ ನೀ ಹಿಡಿದಿರುವ ಯೋಗಮುದ್ರೆಯ ಮೇಲೆ ಬೀಳಲಿ, ಬೇರ್ಪಡದಿರಲಿ. ನಿನ್ನ ಮಾನಸ ನನ್ನೊಳು ಇರಲಿ, ನನ್ನ ಮಾನಸ ನಿನ್ನೊಳಿರಲಿ. ಉಮೆ ನಿನ್ನ ಮೇಲಿಟ್ಟಿರುವ ಪ್ರೇಮ, ಉಮಾಮಹೇಶ್ವರ ನೀ ಉಮೆಗೆ ತೋರುವ ಪ್ರೇಮ, ಎರಡು ನಮ್ಮ ಮಾನಸದೊಳಾಗಲಿ, ಎ೦ದೂ ಅಗಲಿಕೆ ಕಾಣದಿರಲಿ, ಅದ್ವೈತವಾಗಲಿ, ಅಳುವ ಅಕ್ಷಿಗಳಲ್ಲ, ಆನ೦ದ ರುದ್ರನ ಅಕ್ಷಿಯ ಧಾರಣವಾಗಲಿ.
.
.
ಸರಸ್ವತಿ ನಿನಗೊ೦ದನೆ, ನೀನಿಲ್ಲಿದೆ ಜ್ಞಾನವೆಲ್ಲಿ, ಜ್ಞಾನವಿಲ್ಲದೆ ಮೋಕ್ಷವೆಲ್ಲಿ, ಮೋಕ್ಷವಿಲ್ಲದ ಈ ಲೋಕವನ್ನು ಮಾಯೆಯೆ೦ಬರು, ಮೋಕ್ಷವಿರುವ ಇದೇ ಲೋಕವನ್ನು ಶಿವನ ಆನ೦ದ ಎ೦ಬರು, ಉಮೆಯ ಪ್ರೇಮ ಎ೦ಬರು, ಗಿರಿಜಾ ಕಲ್ಯಾಣವೆ೦ಬರು, ಜಗದ ಕಲ್ಯಾಣವೆ೦ದರು. ಗಿರಿಜಾ ಕಲ್ಯಾಣವನ್ನು ಗಿರಿಜೆ ನಿನ್ನ ನೇತ್ರತ್ವದಲೆ ನೋಡ ಬಯುಸುವೆವು, ಕರುಣಿಸು.
.
ಶ್ರೀ ಗುರುಭ್ಯೋ ನಮಃ

ಹರಿಯುವ ನದಿಯ ತಡೆವವರ್ ಯಾರ್, ಸೆಲೆ ಇದ್ದರೆ ನೆಲೆ ಕಾಣ್ವುದು.
ಶಿವನ ಆನ೦ದ ಹರಿಯುತಿದೆ ಎ೦ದಾದೊಡೆ, ಮುಟ್ಟಲೇಬೇಕು ಎನ್ನನ್ನು, ಸಿಕ್ಕಲೇಬೇಕು ಶಿವ, ಮುಟ್ಟಬೇಕು ಮಾನಸಕೈಲಾಸ ತುದಿಯ ನಿನ್ನೊ೦ದಿಗೆ ಶಿವನೆ,, ನೀ ಇರದ ಜಗ ಬೇಡ, ಇರು ನೀ ಎಲ್ಲಾದರು ಬರುವೇ ಓಡಿ ಬರುವೆ ಹಾರಿ, ಬೀಳ್ವ ಪ್ರತಿ ಹನಿಯು ಬಿಲ್ವವಾಗಲಿ ಪುಷ್ಪವಾಗಲಿ, ನಾ ಬರುವ ಮೊದಲೆ ನಿನ್ನ ಸೇರಲಿ.
.
ಶ್ರೀ ಗುರುಭ್ಯೋ ನಮಃ