ಶ್ರೀಕೃಷ್ಣಜನ್ಮಾಷ್ಟಮಿಯ ಶುಭಾಶಯಗಳು

ಜನ್ಮವದು ಕೃಷ್ಣನದು.
ಕೃಷ್ಣ ಪರಮಾತ್ಮ.
.
ಒಬ್ಬ ಕೃಷ್ಣ ಬೇಕು ಜೀವನದ ಜಿಗುಪ್ಸೆ ಕಿತ್ತು ತಿಪ್ಪೆಗೆಸೆಯಲು.
ಒಬ್ಬ ಕೃಷ್ಣ ಬೇಕು ಮರದ ನೆರಳಲ್ಲಿ ಕೊಳಲ ಗಾನ ಕೇಳುತ್ತ ಮನ ಮರೆಯಲು ಮೈ ಮಣ್ಣಾಗಲು.
ಒಬ್ಬ ಪರಮಾತ್ಮ ಬೇಕು – ನರ ಬಳಲಿ ಮೇಲೆ ನೋಡಿದಾಗ – ನೋವಿನಲಿ ಕಣ್ಮುಚ್ಚಿದಾಗ.
ನವಿಲಗರಿ ಧರಿಸಿ ನಲಿವನ್ನು ಸದಾ ಸೂಸುತ್ತಿರುವ ಪರಮಾತ್ಮನ ಚರಣ ಬೇಕು.
ಕೃಷ್ಣ ನಿನ್ನ೦ತ ಸಖನಿಲ್ಲದೆ ಸುಖವೆಲ್ಲಿದೆ? ಇದ್ದರೂ ಸುಖ-ನಿಲ್ಲದೆ.
ಹೇಡಿಯಾಗಿಸಬೇಡ ಕೃಷ್ಣ ಬೇಡಿಕೊಳುವೆ, ಬಾಡಿಸುತಿಹುದು ಕಾಲ, ಮತ್ತೊಮ್ಮೆ ಬ೦ದು ತಬ್ಬಿಕೊಳೊ ನರನ, ನರನಾಡಿಯಲಿ ಹರಿಯಲಿ ಚೈತನ್ಯ.