“ವ್ಯಾಘ್ರ ಕಿಶೋರ ನ್ಯಾಯ”?

ಈ ಹುಲಿಮರಿಯ ನೋಡಿ ಅಸೂಯೆಯಾಗುತ್ತಿದೆ. ಈ ನಮ್ಮ ಸದಾ’ವ್ಯಗ್ರ’ ಮನಸ್ಸಿಗೆಲ್ಲಿ ಬಂದೀತು ಈ ಮರಿ-ವ್ಯಾಘ್ರನ ಶರಣಾಗತಿಯ ಪರಮಾನಂದದ ಸ್ಥಿತಿ? ‘ಕೊಡುವ ಕರ್ತ್ರು ಬೇರೇ ಇರುತಿರೆ, ಬಿಡು ಬಿಡು ಚಿಂತೆಯನು ಮನುಜ” ಎಂಬ ದಾಸವಾಣಿ ಗುನುಗುನಿಸುವ ಪದ್ಯವಾಗೇ ಉಳಿದು, ನಮ್ಮಾಳಕ್ಕೆ ಇಳಿಯದಿರುವುದೇ ನಮ್ಮ ಮನೋವ್ಯಗ್ರತೆಯ ಗುಟ್ಟು.

‘ಪುರುಷ-ವ್ಯಾಘ್ರ’ನಾದ ಅರ್ಜುನನಿಗೆ ಶರಣಾಗತಿ ಸುಲಭವಾದದ್ದು ‘ನರ-ಸಿಂಹ’ನಾದ ಕೃಷ್ಣನ ವಿಶ್ವರೂಪದರ್ಶನದಿಂದ. ಹಾಗೆಯೇ, ನಮ್ಮೆಲ್ಲರಿಗೂ ಕೂಡ ಗುರುದರ್ಶನ ಮಾತ್ರದಿಂದ ಈ ಮರಿ-ವ್ಯಾಘ್ರದಂದದ ಶರಣಾಗತಿಯು ಅನಾಯಾಸವಾಗಿ ಕರುಣಿಸಲ್ಪಟ್ಟು, ತನ್ಮೂಲಕ ಸತ್ಯದರ್ಶನ ದೊರೆಯಲಿ ಎಂಬುದು ಪ್ರಾರ್ಥನೆ.