⃓ ಹರೇ ರಾಮ ⃓

ಶ್ರೀಮಜ್ಜಗದ್ಗುರುಶಂಕರಾಚಾರ್ಯ ಶ್ರೀಶ್ರೀರಾಘವೇಶ್ವರಭಾರತೀಮಹಾಸ್ವಾಮೀಜಿಯವರು

ಜಗದ್ಗುರುಶಂಕರಾಚಾರ್ಯಮಹಾಸಂಸ್ಥಾನಮ್, ಶ್ರೀಸಂಸ್ಥಾನಗೋಕರ್ಣ - ಶ್ರೀರಾಮಚಂದ್ರಾಪುರಮಠ

ಅಂಕಣಗಳು

ಇತ್ತೀಚಿನ ಪ್ರತಿಕ್ರಿಯೆಗಳು

ಶ್ರೀರಾಮಾಯಣದ ಅಂಕುರ ವಲ್ಮೀಕದಲ್ಲಿ…!!

ಶುಕ್ರವಾರ, ಮಾರ್ಚ 5th, 2010 - Sri Samsthana - 16 Comments

ತಮೋನಿರ್ಮುಕ್ತೆ ತಮಸೆಯ ಪರಿಶುದ್ಧಪ್ರವಾಹ . .
ಮುಗಿಲು ಮುತ್ತಿಕ್ಕುವ ಗಿರಿಶಿಖರಗಳ ಅಚಲತೆ, ಗಾಂಭೀರ್ಯ, ಔನ್ನತ್ಯ . . .
ಝರಿಗಳ ತಂಪು, ಹಸಿರಿನ ಸೊಂಪು, ಕುಸುಮಗಳ ಕಂಪುಗಳೊಡನೆ ಕಂಗೊಳಿಸುವ ಕಾನನಮಂಡಲ…
ಅಲ್ಲೊಂದು…
ಪಾವನತೆಯೇ ಪಡಿಮೂಡಿದಂತಿದ್ದ ಪರ್ಣಕುಟಿ…

ಅಲ್ಲಿ. . .
ಮೈಮೇಲೆ ಹುತ್ತವೇ ಬೆಳೆದರೂ ಅರಿವಾಗದಂತೆ ಮೈಮರೆತ ಪರಮ ತನ್ಮಯತೆಯ ಮಹಾಮುನಿ. . .
ಆ ಮುನಿಯ ಮಹಾಮನದಲ್ಲಿ ಮೂಡಿಬಂದಿತ್ತೊಂದು ಮಹಾಪುರುಷನ ದಿವ್ಯ ಮೂರ್ತಿ. . .
ತಮಸೆಯ ಪರಿಶುದ್ಧಿ. .
ಗಿರಿಶಿಖರಗಳ ಅಚಲತೆ, ಉನ್ನತಿ, ಗಾಂಭೀರ್ಯ. .
ಕಾನನಗಳ ಸೌಂದರ್ಯ,ಸೌಮ್ಯತೆ . .
ಆಶ್ರಮದ ಪವಿತ್ರತೆ . .
ಮುನಿಯತ್ಯಾಗ..

ಚಿನ್ಮಯಮೂರ್ತಿಯ ಧ್ಯಾನದಲ್ಲಿ ಮೃಣ್ಮಯಿಯಾದ ಮಹಾಮುನಿ..!

ಇವೆಲ್ಲವೂ ಮೇಳೈಸಿದ್ದವು ಆ ಮೂರ್ತಿಯಲ್ಲಿ..

ಕೋಟಿಸೂರ್ಯ ಪ್ರಕಾಶ..!!!
ಆದರೆ ಕೋಟಿ ಚಂದ್ರರ ತಂಪು..!!!!!
ಆ ಮೂರ್ತಿಯ ಮೂಲದ್ರವ್ಯ ಶಿಲೆಯಾಗಿರಲಿಲ್ಲ – ಚೈತನ್ಯದ ಸೆಲೆಯಾಗಿತ್ತು..!!
ಮರದ ಮೂರ್ತಿಯದಲ್ಲ – ಅಮರ ಮೂರ್ತಿ..!!
ಮೃಣ್ಮಯವಲ್ಲ – ಚಿನ್ಮಯಮೂರ್ತಿ..!!
ಒಂದೇ ಒಂದೂ ಕುಂದೂ ಇಲ್ಲದ ಚಂದದ ಮೂರ್ತಿ…

ಒಮ್ಮೆ ನೋಡಿದರೆ ಮತ್ತೊಮ್ಮೆ..
ಮತ್ತೊಮ್ಮೆ ನೋಡಿದರೆ ಮಗದೊಮ್ಮೆ..
ನೋಡುತ್ತಲೇ ಇರುವಂತೆ ಮಾಡುವ ಮಾಟ..
ಜೀವಕೋಟಿಯ ನೋಟವನ್ನೆಲ್ಲ ತನ್ನೆಡೆಗೆ ಸೆಳೆಯುವ ಹೂಟ..
ಕಬ್ಬಿಣದ ದೃಷ್ಟಿಯನ್ನೂ ಕದಲಗೊಡದ ಚುಂಬಕಮೂರ್ತಿ…

ಹೃದಯಕಮಲದಲ್ಲಿ ಕುಳಿತು ಆ ಮೂರ್ತಿ ಮುನಿಯ ಹೊರಗಣ್ಣು ಮುಚ್ಚಿಸಿ…ಜಗವ ಮರೆ ಮಾಡಿತು…
ಒಳಗಣ್ಣು ತೆರೆಯಿಸಿ ತನ್ನನ್ನು ತಾನೇ ತೋರಿಸಿತು…!!

ಸೂರ್ಯನ ಗುರುತ್ವಾಕರ್ಷಣೆಗೆ ಸಿಕ್ಕಿ, ಸೂರ್ಯನಿಂದ ದೂರ ಸರಿಯಲಾರದೇ, ಸೂರ್ಯನ ಸುತ್ತವೇ ಸತತವಾಗಿ ಸುತ್ತುವ ಭೂಮಿಯಂತಾಯ್ತು ಮುನಿಯ ಮನ..
ತನ್ನೊಳಗೇ ತಾನು ಆ ಮಂಗಲಮೂರ್ತಿಯನ್ನೇ ಕಾಣುತ್ತಾ . . . .
ಕಣ್ಣು ಹಿಂದಿರುಗಿಸಲಾರದೇ……….
ಸ್ವಯಂ ಮೂರ್ತಿಯಂತೆಯೇ ಕುಳಿತ ಮುನಿಗೆ ಮೈಮೇಲೆ ಹುತ್ತ ಬೆಳೆದರೂ ಗೊತ್ತಾಗಲೇ ಇಲ್ಲ . . . ! ! !

nandaja haregoppa

Hare raama

ತಮೋನಿರ್ಮುಕ್ತೆ ತಮಸೆಯ ಪರಿಶುದ್ಧಪ್ರವಾಹ . .
ಮುಗಿಲು ಮುತ್ತಿಕ್ಕುವ ಗಿರಿಶಿಖರಗಳ ಅಚಲತೆ, ಗಾಂಭೀರ್ಯ, ಔನ್ನತ್ಯ . . .
ಝರಿಗಳ ತಂಪು, ಹಸಿರಿನ ಸೊಂಪು, ಕುಸುಮಗಳ ಕಂಪುಗಳೊಡನೆ ಕಂಗೊಳಿಸುವ ಕಾನನಮಂಡಲ…
ಅಲ್ಲೊಂದು…
ಪಾವನತೆಯೇ ಪಡಿಮೂಡಿದಂತಿದ್ದ ಪರ್ಣಕುಟಿ… tumbaaa channagide,

alli kulitu ramayanavannomme keluva

nanasaaguttide,munde

namage intha avakasha sigabahude?

Pranamagalu
vdaithota

ಹರೇ ರಾಮ….
ನಿರೀಕ್ಷಣೆಯೂ ಒಂದು ತಪಸ್ಸೇ ಅಲ್ಲವೇ….!!!!
ಮುಂದಿನ ಭಾಗದ ನಿರೀಕ್ಷಣೆಯಲ್ಲಿ…..

http://hareraama.in/members/rnarayana/ Raghavendra Narayana

We are missing your comments…
.
Shri Gurubhyo Namaha

ravi n

ಪುಂಸಾಂ ಮೋಹನರೂಪಾಯ ಪುಣ್ಯಶ್ಲೋಕಾಯ ಮಂಗಳಂ…
ಸತ್ವಪೂರ್ಣ ಧರ್ಮಮಯ ಮಂಗಳಮೂರ್ತಿಶ್ರೀ ರಾಮಚಂದ್ರನ ಚರಣಕಮಲಗಳಲ್ಲಿ ಕೋಟಿ ನಮನಗಳು..
ಹರೇರಾಮ

http://hareraama.in/members/rnarayana/ Raghavendra Narayana

We are missing your comments..
.
Shri Gurubhyo Namaha

seetharama bhat

hare rama,

rama nama smaraNeyalli
Shreekant Hegde

ಹರೇ ರಾಮ,

ವಂದೇ ವಾಲ್ಮೀಕಿಕೋಕಿಲಮ್ ||
Raghava Hegde

ಹರೇರಾಮ,

ವಾಲ್ಮೀಕಿ ಆ ಮರ,ಈ ಮರ ಹೇಳಿ ರಾಮ ರಾಮ ಎಂದು ರಾಮನ ದರ್ಶನ ಮಾಡಿ ಅಮರನಾದ,ಹಾಗೆಯೇ ಜಗತ್ತಿನ ಜೀವ ಜಂತುಗಳೆಲ್ಲ ರಾಮನ ಸ್ಮರನೆ ಮಾಡಿ ಸದ್ಗತಿ ಹೊಂದುವಂತೆ ಗುರುವು ದಾರಿ ತೋರಿಸಲಿ
RAVINDRA T L BHATT

ಬದುಕ ಬೇಸಿಗೆಯಲ್ಲಿ,
ಉರಿವ ಸೂರ್ಯನ ದಗೆಗೆ,
ಬಳಲಿ ಬಸವಳಿದು,
ಉಸ್ಸೆಂದು ಧರೆಗೊರಗಿ,
ಕುಳಿತ ಗಳಿಗೆಯಲಿ,
ಭರತ ತಂದೊರಗಿಸಿದ,
ಸಿಹಿಯ ಗಂಗೆಯ ತೆರದಿ,
ಬರುತಿರುವ
ನಮ್ಮೆಲ್ಲರ ಶ್ರೀರಾಮನ
ಪಾವನ,ಪುನೀತ ಕಥನ.
ಗುರೂಜಿ, ನಿಮಗಿದೋ..
Madhu Dodderi

ಪರಮ ಪಾವನೆಯಾದ ಆ ನದಿಗೇಕೆ ’ತಮಸಾ’ ಎಂಬ ಹೆಸರು?

http://hareraama.in/members/manglurmani/ ಮಂಗ್ಳೂರ ಮಾಣಿ…

ತಮಸ್ಸನ್ನು ಕಳೆಯುತ್ತಾಳೆ ಎಂದಿರಬೇಕು..

Dr J Thirumala Prasad

ಮಹಾಪುರುಷರೆಂದೂ ಹಾಗೆಯೇ ಅಲ್ಲವೇ? ಲೋಕಕಲ್ಯಾಣಾರ್ಥವಾಗಿ ತಮ್ಮ ಅಂತರಂಗದಲ್ಲಿ ಎನನ್ನು ಕಾಣುತ್ತಾರೋ ಅದು ಬಹಿರಂಗದಲ್ಲಿ ಕಾಣಲಿ. ಜಗತ್ತಿಗೆ ಅದರಿಂದ ಒಳ್ಲೆಯದಾಗಲಿ ಎಂದು ಬಯಸುತ್ತಾರೆ.
ಮಹಾತ್ಮರ, ಮಹಾಪುರುಷರ, ದೇವತಾ ಸ್ವರೂಪರುಗಳ ಮನಸ್ಸಿನಲ್ಲಿ ಏನು ಉದಯಿಸುತ್ತದೋ ಅದು ಬಹಿ: ಪ್ರಪಂಚಕ್ಕೆ ಪೂರ್ಣ ರೂಪದಿಂದ ಸಿಗುತ್ತದೆ. ವಿಶ್ವ ಗೋ ಸಮ್ಮೇಳನ, ವಿಶ್ವ ಮಂಗಲ ಗೋಗ್ರಾಮ ಯಾತ್ರೆಗಳೂ, ಮಹಾಮಂಡಲ-ಮಂಡಲಗಳ ರಚನೆಗಳೂ ಅದರ ಮೂರ್ತ ರೂಪಗಳೇ ಅಲ್ಲವೇ………….
Ravi subrahmanya

ಹರೇ ರಾಮ.

ಭಗವಂತನ ಧ್ಯಾನ ಕೇವಲ ನೆಪಕ್ಕಾಗಿ ಅಲ್ಲ. ಅಂತರಾತ್ಮದಲ್ಲಿ ಭಗವಂತನ ಧ್ಯಾನದಿಂದ ಆತನ ಕೃಪೆಗೆ ಸಾಧ್ಯ.

ಶ್ರೀ ಗುರುಭ್ಯೋ ನಮಃ
Sharada Jayagovind

Horagannanu muchisi olagannu thereyisi gurugale
govindaraj korikkar

Hareraama,Vaalmiki darushana adbhuthavagithu ,
Ramana Darushanakkagi Shabariyagiddene
Raghavendra Narayana

ಜೈ ಗಣೇಶ
ಶ್ರೀ ಗುರುಭ್ಯೋ ನಮಃ
.
.
ತಾ೦ಡವ ಆಡುವ ಒಳ ಹೊರ ಮನಸನ್ನು ನಿಗ್ರಹಿಸಿ, ಕ್ಷಣವಲ್ಲ ಯುಗಗಳನ್ನೆ ಕಳೆಯುವ ಸ್ಥಿತಿ ತಲುಪಿದ್ದ ಋಷಿ ವಾಲ್ಮಿಕಿಯ ಸ್ಥಿರ ಅ೦ತರ೦ಗದಲಿ ತರ೦ಗಗಳನ್ನು ಎಬ್ಬಿಸಿ, ಪರದೆಯೊಳ್ ಮಹಾಕಾವ್ಯವ ಮೂಡಿಸಿ ಕವಿಯಾಗಿ ಮಾಡಿಸಿದ ನಾರಾಯಣ, ಕಾಣಿಕೆಯಾಗಿ ರಾಮನ ಅ೦ತರ೦ಗದ ಪೂರ್ಣ ದರ್ಶನ ಮಾಡಿಸಿದ….?
.
ಸ್ಥಾಣುವಾಗಿ ಕುಳಿತು, ಸ್ವ೦ತವನ್ನು ಮರೆತು, ಆನ೦ದವನ್ನೆ ನೆನೆಯುತ್ತಿರುವಾಗ ಮೂಡಿದ ರಾಮನ, ರಾಮಾಯಣದ ಅನ೦ತ ವರ್ಣಚಿತ್ರಗಳ ನೋಡುತ್ತ ನೋಡುತ್ತ ಇನ್ನೂ ಕಳೆದು ಹೋದನೆ ವಾಲ್ಮಿಕಿ.. ಈ ಸ್ಥಿತಿಯಲ್ಲಿ ವಾಲ್ಮಿಕಿ ಕಳೆದ ಯುಗಗಳೇಷ್ಟೋ..
.
ನಿಸರ್ಗ ತ೦ಗಾಳಿ ನದಿಯ ದ೦ಡೆ ಸ೦ಗೀತದ ನಡುವಿನಿ೦ದ ಧ್ಯಾನದ ಮಡುವಿಗೆ, ಧ್ಯಾನದ ಮಡುವಿನಿ೦ದ ನಾರಾಯಣನ ತೆಕ್ಕೆಗೆ ಸೇರಿ ತೇಲುತ್ತಲಿರುವಾಗ, ಶ್ಲೋಕದ ರೂಪ ಕೊಡುವ ಕಷ್ಟ ಮತ್ತು ಸುಖ.

ಮುಖಪುಟ

ಶ್ರೀರಾಮಚಂದ್ರಾಪುರ ಮಠ

ಶ್ರೀರಾಘವೇಶ್ವರಭಾರತೀ ಸ್ವಾಮಿಗಳು

⃓ ಹರೇ ರಾಮ ⃓

ಶ್ರೀಮಜ್ಜಗದ್ಗುರುಶಂಕರಾಚಾರ್ಯ ಶ್ರೀಶ್ರೀರಾಘವೇಶ್ವರಭಾರತೀಮಹಾಸ್ವಾಮೀಜಿಯವರು

ಅಂಕಣಗಳು

ಇತ್ತೀಚಿನ ಪ್ರತಿಕ್ರಿಯೆಗಳು

Newsletter

ಶ್ರೀರಾಮಾಯಣದ ಅಂಕುರ ವಲ್ಮೀಕದಲ್ಲಿ…!!